yaadein...

Kuch yaadein kabhi dhundhali nahi hoti..
Kuch baatein kabhi khamosh nahi hoti..
Kabhi shorr mein vo gumm hoti hai,
to kabhi sannaton mein bhi sunayi deti hai..

Jab kabhi nazron se chupana chaho,
Mann mein vo tassavur karti hai..
Jab muskurahat mein dabana chaho,
aankhon ki nami mein vo chalakti hai..

Yaadein aksar Hume khamosh karti hai..
Khushi ke pal yaad aaye to aankhein humari bhar jati hai..:'(
Gum ke pal yaad kar muskaan aa jaati hai..:)
Kaisa ye anokha rishta humse yaadein nibhati hai..??

Yaadon par, beeti baaton par..
kisi ka Zor nahi chalta..
Bichdey pyar se, roothey dost se..
Milne ko kyun hai dil tadapta.?

Dil ke rishtey dil mein hi dhadakte hai..
Umra ke saath saath gehere hote hai..
Kabhi khamosh raaton mein jagaate hai..
Kabhi din bhar ye sataate hai..

Dil Chahta hai wahi sab jeena,
Mushkil hai in yaadon se nikalna..
Kabhi kisi mod par shayad..
Mil jaayen vo humse achaanak..

Khud se bhaag kar hum kahan jaaye..
Najane un yaadon ko kyun hai ab tak dil mein sajaye..?
Dilse ab yahi duaa hai nikalti..
Salaamat rahe vo jinse ye yaadein hai Judi..:)

Ye yaadein kabhi khamosh nahi hoti..
Kaano mein unki awaz ab tak hai goonjti..
Aankhon se tasveer chahe Nahin dikhayi deti..
Par un mein chupi yaadein kabhi dhundhali nahi hoti..

Sim..:)
Sept 2011